Ғәлимйәнов Фауат Ғиниәт улы
Ғәлимйәнов Фауат Ғиниәт улы (26 июнь 1929 йыл–31 август 2000 йыл) — инженер-механик, ғалим педагог, юғары мәктәп уҡытыусыһы. Техник фәндәр кандидаты (1964), профессор (1989)[1].
| Ғәлимйәнов Фауат Ғиниәт улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 26 июнь 1929 |
| Тыуған урыны |
Бөрө кантоны, Башҡорт АССР-ы, РСФСР, СССР Ҡубыяҙ, Асҡын районы, СССР |
| Вафат булған көнө | 31 август 2000 (71 йәш) |
| Вафат булған урыны | Өфө, Рәсәй |
| Һөнәр төрө | инженер-механик, университет уҡытыусыһы |
| Эш урыны | Өфө дәүләт авиация техник университеты |
| Уҡыу йорто | Өфө дәүләт авиация техник университеты |
| Ғилми исеме | профессор[d] |
| Ғилми дәрәжә | техник фәндәр кандидаты[d] |
Биографияһы
үҙгәртергәФауат Ғиниәт улы Ғәлимйәнов 1929 йылдың 26 июнендә Башҡорт АССР-ының Бөрө кантоны Ҡубыяҙ ауылында (хәҙер Башҡортостан Республикаһының Асҡын районы) тыуа. 1952 йылда Өфө авиация институтын (хәҙерге Өфө дәүләт авиация техник университеты, ӨДАТУ) тамамлай.[2]. 1952 йылда Өфө авиация институтын тамамлағандан һуң Свердловск өлкәһенең Артёмовка машиналар эшләү заводында эшләй. 1957—1967 йылдарҙа — Артемовка машиналар эшләү заводының техник контроль бүлеге начальнигы урынбаҫары, махсуслаштырылған конструкторҙар бюроһы лабораторияһы начальнигы, баш инженер урынбаҫары[2]. 1967 йылдан алып ӨДАТУ‑ла: уҡытыусы, «Авиация двигателдәре теорияһы» кафедраһы мөдире урынбаҫары, мөдире, профессор, бер үк ваҡытта 1970 йылдан башлап Өфө дәүләт авиация техник университетының ғилми-тикшеренеү секторында өлкән ғилми хеҙмәткәр[3].
2000 йылдың 31 авгусында Өфөлә вафат була.
Фәнни эшмәкәрлеге
үҙгәртергәБер нисә изделиеның баш конструкторы булған, вентиляторҙарҙы тикшереү өсөн ғилми-тикшеренеү лабораторияһын ойошторған. Фәнни эшмәкәрлеге гидродинамикаға һәм газ динамикаһына, турбиналы машиналарҙы проектлауға арналған. Ғ. тарафынан юғары экономиялы вентиляторҙарҙың аэродинамик схемалары уйлап табыла; шыйыҡлыҡтарҙың стена буйлап уртасалаштырылған турбулентлы хәрәкәтенең теорияһы нигеҙләнә, ул йылылыҡ һәм масса алмашыныуҙы иҫәпләгәндә, үткәргес торба системаларында шыйыҡлыҡтарҙың гидродинамикаһын тасуирлағанда ҡулланыла. Ғәлимйәнов асыштары машиналар эшләү предприятиеларында, үткәргес торба транспортында индерелгән[1].
Уйлап табыуҙарға 2 авторлыҡ таныҡлығы бар. 140-тан ашыу баҫма хеҙмәт, шул иҫәптән 26 монография, авторы.
Бүләктәре
үҙгәртергәМиҙалдар, шул иҫәптән Рәсәй Космонавтика федерацияһының академик А.Д.Надирадзе исемендәге миҙалы менән бүләкләнгән[4].
Төп хеҙмәттәре
үҙгәртергә- Вентиляторы: атлас конструкций. 2-е изд., М., 1968;
- Теория турбулентного движения в элементах летательных аппаратов. Уфа, 1989;
- Теория внутреннего турбулентного движения. Уфа, 1999 (авторҙашта).
Иҫкәрмәләр
үҙгәртергә- ↑ 1,0 1,1 Ғәлимйәнов Фауат Ғиниәт улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- ↑ 2,0 2,1 Галимзянов_Фауат_Гиниятович 2022 йыл 28 апрель архивланған.
- ↑ Галимзянов Фауат Гиниятович 2022 йыл 10 август архивланған.
- ↑ Татарская энциклопедия